समाचारहरू

नौ वर्षीय बालकलाई यौन दुराचार गरेको कसुरमा १७ वर्षीय बालकलाई जिल्ला अदालत मोरङले असार २५ गते १० वर्ष१ महिना कैदको फैसला सुनाएको छ ।

न्यायाधीश कमलप्रसाद पोखरेलको इजलासले मियालाई कैदसँगै २५ हजार रुपियाँ पीडितलाई क्षतिपूर्ति भराउने फैसला सुनाएको जिल्ला अदालत २ नम्बर फाँटका नायव सुब्बा युवराज कटुवालले बताए ।

पीडित बालकलाई आरोपितले गत पुस २० गते अप्राकृतिक मैथुन गरेको भन्दै पीडितका आफन्तले  पुस २१ गते जिल्ला प्रहरी कार्यालय मोरङमा उजुरी दिएका थिए ।

प्रहरीले आरोपितलाई पुस २४ गते गिरफ्तार गरी अदालत पेश गरेकोमा अदालतले माघ २१ गते पुर्पक्षको लागि कारागार चलान गर्ने आदेश दिएको थियो । पीडित बालकको स्वास्थ्य परीक्षण पुस २१ गते कोशी अञ्चल अस्पताल विराटनगरमा गरिएको थियो ।

इन्दिरा भट्टराई