समाचारहरू

लालबन्दी नपा–१७ रानिगन्जकी १७ वर्षीया प्रियङ्का भुजेललाई हत्या गरेको आरोपमा प्रहरीले सोही ठाउँका २० वर्षीय किसन साह र १९ वर्षीय अनिष दाहाललाई भदौ २ गते गिरफ्तार गरेको छ ।

साउन ३१ गते राति ९ बजेदेखि हराएकी प्रियङ्काको शव घरदेखि करिब तीन किलोमिटरको दुरीमा रहेको कालिन्जोर खोला किनारमा पुरिएको अवस्थामा भदौ २ गते फेला परेको इलाका प्रहरी कार्यालय लालबन्दीका इन्स्पेक्टर निर्मल थापाले बताउनु भयो ।

छोरीलाई सामूहिक बलात्कारपछि हत्या गरेर लालबन्दी नपा–६ स्थित कालिन्जोर खोलामा गाडिएको मृतकका बुबा राजन भुजेलको आरोप छ ।

घटनमा संलग्नलाई कारबाहीको माग गर्दै स्थानीयले साउन २ गते करिब ३ घण्टा पुर्व–पश्चिम राजमार्गमा टायर बालेर प्रदर्शन गरेका थिए । पोस्टमार्टमका लागि सर्लाही जिल्ला अस्पताल मलङ्गवामा शव राखिएको छ ।

पीडित बालिकालाई आरोपितद्वयले हत्या गरी शवलाई कालिन्जोर खोलामा गाडेको स्वीकार गरेको र शव पोष्टमार्टमको रिपोर्ट आएपछि अनुसन्धान कार्य अगाडि बढाइने जिल्ला प्रहरी कार्यालय मलङ्गवाका डिएसपी माधवप्रसाद बुढाथोकीले बताउनु भयो ।

बुधन साह