समाचारहरू

१३ वर्षीया बालिकालाई बलात्कार गरेको भन्दै पीडित पक्षले कुशे गाउँपालिका–८ का ३० वर्षीय दिपक आरसी विरुद्ध प्रहरी कार्यालयमा उजुरी दिएको छ ।

आरोपितले साउन ६ गते बलात्कार गरेको भन्दै पीडित पक्षले साउन ९ गते इलाका प्रहरी कार्यालय कुशेमा उजुरी दिनु भएको थियो ।
बालिकाको स्वास्थ्य परीक्षण जिल्ला अस्पताल, जाजरकोटमा साउन १० गते भएको जिल्ला प्रहरी कार्यालयका डिएसपी सन्तोष रोकाले जानकारी दिनुभयो ।

घटनापछि बालिकाका घरपरिवारलाई दिपक रोकायको आमाले सुनको तिलहरी दिन्छु कहीँ उजुरी नदेउ भनेको बालिकाका घरपरिवारले आरोप लगाएका छन् । बालिकाका बुवाले नमानेपछि आरोपितका बुवाले ३ लाख रुपियाँमा मिल्ने प्रस्ताव राखेको बालिकाका घरपरिवारको आरोप छ । मिलापत्रका लागि दवाव आएको बालिकाका घरपरिवारले जानकारी दिएका छन ।

जिल्ला प्रहरी कार्यालय, जाजरकोटका डिएसपी सन्तोष रोकाले घटनाको उजुरी प्रहरी कार्यालयमा आएको बताउँदै आरोपितको खोजी भइरहेको बताउनु भयो । आरोपित फरार रहेको डिएसपी रोकाले जानकारी दिनुभयो ।

इन्सेक कर्णाली प्रदेश कार्यालय, सुर्खेत