समाचारहरू

१५ वर्षीया बालिकालाई बलात्कार गरेको आरोपमा शम्भुनाथ नगरपालिका–१ खोक्सर प्रवाहाका २२ वर्षीय राजेशकुमार रामविरुद्ध फागुन २९ गते उजुरी दर्ता भएको छ ।

जिल्ला प्रहरी कार्यालयमा पीडितकी आमाले दिनुभएको उजुरी दर्ता गरिएको सप्तरी जिल्ला प्रहरीले जनाएको छ ।

आरोपितले ललाई फकाई एकान्तमा लगी डरत्रास देखाई ०७९ माघ १४ गते राति बलात्कार गरेको पीडितले बताउनु भएको छ । पीडितको स्वास्थ्य परीक्षण गजेन्द्रनारायण सिंह अस्पतालमा फागुन २९ गते भयो । हालसम्म गिरफ्तार नभएका आरोपितविरुद्ध जिल्ला अदालतबाट पक्राउ पुर्जी जारी भएको छ ।

मनोहरकुमार पोखरेल