बालिका कुटपिट आरोपमा सौतेनी आमा गिरफ्तार

   ०७९ माघ २ गते

दिक्तेल रूपाकोट मझुवागढी नगरपालिका–१ की १५ वर्षीया बालिका विनिता आचार्यलाई निर्घात कुटपिट गरेको आरोपमा प्रहरीले ४१ वर्षीया सौतेनी आमा चन्द्रकला रिजाललाई पुस २९ गते गिरफ्तार गरेको छ ।

दिक्तेलस्थित सरस्वती माध्यमिक विद्यालयमा कक्षा १० बालिकालाई सौतेनी आमाले पुस २९ गते घरमा पढीरहेको अवस्थामा निर्घात कुटपिट गरेको दिक्तेल रूपाकोट मझुवागढी नगरपालिका–१ का पूर्व वडाध्यक्ष टङ्कप्रसाद आचार्यले बताउनु भयो ।

बालिकालाई कुटपिट गरेको थाहा पाउने बित्तिकै प्रहरीलाई खबर गरेपछि प्रहरीले आरोपितलाई घटनास्थलबाटै गिरफ्तार गरेको वडाध्यक्ष आर्चायले बताउनु भयो ।

कुटपिटबाट आँखा र टाउको गम्भीर चोट लागेकी बालिकाको जिल्ला अस्पतालमा उपचार हुन नसकेपछि थप उपचारका लागि पुस ३० गते काठमाण्डौँ रेफर गरिएको जिल्ला अस्पतालका डाक्टर चतुरान्द यादवले बताउनु भयो ।

बालिकाको काडमाण्डौँस्थित तिलगङ्गा र केएमसी अस्पतालमा उपचार गरिएको बालिकाका ५१ वर्षीय बाबु अभिनारायण आर्चायले बताउनु भयो ।

घटनाका विषयमा अनुसन्धानल थालेको प्रहरीले जनाएको छ ।

Photo 20230116 Khotang


तारानाथ फुयल