बालिकालाई यौन जन्य हिंसा गरेको घटनाका आरोपित गिरफ्तार

  ०७९ जेठ ९ गते

आठ वर्ष अघि १६ वर्षीया बालिकालाई यौन जन्य हिंसा गरेको आरोपमा काठमाडौंँ उपत्यका अपराध अनुसन्धान कार्यालयको टोलीले काठमाडौँ महानगरपालिका–१० बस्ने ४५ वर्षीय मनोज पाण्डेलाई वैशाख ७ गते काठमाडौँ महानगरपालिका–१५ स्वयम्भुबाट गिरफ्तार गरेको छ ।

सन् २०१४ मा भएको ‘मिस ग्लोबल इन्टरनेसनल’ प्रतियोगितामा सहभागी भएकी एक प्रतियोगीले पाण्डेले सक्सेस पार्टीको नाममा आफूलाई एक होटलमा बोलाई बलात्कार गरेको र पछि ६ महिनासम्म ब्ल्याकमेल गरेर यौनशोषण गरेको घटना सामाजिक सञ्जाल टिकटकबाट सार्वजनिक गरेपछि प्रहरीले आरोपितलाई गिरफ्तार गरेको कालिमाटीस्थित प्रहरीको महिला बालबालिका तथा जेष्ठ नागरिक सेलकी प्रमुख इन्स्पेक्टर सपना खड्काले जानकारी दिनुभयो ।

घटनासार्वजनिक भएपछि एसएसपी वसन्त कुँवर सहितको टोली पीडित समक्ष पुगेपछि पीडित पक्षले आरोपितविरुद्ध काठमाडौँ प्रहरीको महिला बालबालिका तथा जेष्ठ नागरिक सेलमा वैशाख ६ गते उजुरी दिएको थियो ।

सोही विषयमा जेठ ६ गते सदनमा समेत कुरा उठेपछि समामुख अग्निप्रसाद सापकोटाले महिला हिंसा जस्तो जघन्य अपराधमा घटनाको अनुसन्धान गर्न सरकारलाई रुलिङ गर्नुभएको ।

सभामुखको उक्त निर्देशनपछि मन्त्रालयले अपराध महाशाखाका एसएसपी बसन्त कुँवरको नेतृत्वमा पाँच सदस्यीय छानबिन समिति बनाएर अनुसन्धान थालेको थियो ।

त्यस्तै प्रहरी कार्यालयले समेत उक्त घटनामा अनुसन्धान गर्नका निम्ति एसपी कृष्ण कोइरालाको नेतृत्वमा डिएसपीद्वय कोपिला चुडाल र हरि बस्नेत तथा इन्स्पेक्टर सपना खड्का रहेको चार सदस्य छानबिन समिति गठन गरेको छ ।

समितिले जेठ ६ गतेबाट घटनाबारे अनुसन्धान सुरु गरेको इन्स्पेक्टर खड्काले बताउनुभयो ।


विमल पौडेल