समाचारहरू

चाँदबेला गाविस-९ की ११ वर्षीया अमिताकुमारी मुडियारीको फागुन १२ गते बलात्कारपछि हत्या भएको पीडित परिवारले आरोप लगाएको छ ।

फागुन १२ गते राति छिमेकीको विवाह भइरहेको ठाउँबाट बेपत्ता भएकी बालिकाको शव हत्या गरिएको अवस्थामा फागुन १४ गते घरदेखि पर खेत जाने बाटोको हृयुमपाइप भित्र भेटिएपछि पीडित परिवारले यस्तो आरोप लगाएको हो ।

बालिकाको बलात्का पछि हत्या गरिएको हुनसक्ने स्थानीय गगन सिंहले बताए । बालिकाको हत्या शङ्कास्पद भएको र अनुसन्धान गरिरहेको जिल्ला प्रहरी कार्यालय सुनसरीका एसपी पोषराज पोखरेलले बताए । पोष्टमार्टमको रिर्पोट आएपछिमात्र घटनाबारे थाहा हुने पोखरेलले बताए । शवको पोष्टमार्टम हुन बाँकी रहेको र सो को प्रक्रिया अगाडि बढाइएको प्रहरीले जनाएको छ ।

शेखर ढकाल