बालसुधार गृहमा रहेका एक बालकद्वारा आत्महत्या

पोखरा-लेखनाथ मनपास्थित सराङकोट बालसुधार गृहमा रहेका भोजपुर जिल्ला तिवारी भञ्ज्याङ् गाउँपालिका-९ का १६ वर्षीय सुमन कोइरालाले झुण्डिएर आत्महत्या गरेको सुधार गृहले जनाएको छ ।

जेठ २९ गते सुधारगृहकै शौचालयमा झुण्डिएको अवस्थामा भेटेपछि पोखरा स्वास्थ्य विज्ञान प्रतिष्ठानमा उपचारको क्रममा मृत्यु भएको सराङकोट बालसुधार गृहका कानुन अधिकृत विश्वशेर ढकालले बताए ।

भोजपुर घर भएका बालक बलात्कार प्रयासको मुद्दामा बिगत नौ महिनादेखि सुधार गृहमा रहेका थिए । शव पोष्टमार्टमका लागि पोखरा स्वास्थ्य विज्ञान प्रतिष्ठानको शव गृहमा राखिएको ढकालले बताए ।


संगीता भाट