समाचारहरू

११ वर्षीया बालिकालाई विवाह गरेको आरोपमा पाणिनि गाउँपालिका-४, गेजाका ३० वर्षीय अमरबहादुर रानालाई प्रहरीले ०८१ जेठ १३ गते गिरफ्तार गरेको छ ।

पीडित बालिकालाई आरोपितले वैशाख ३१ गते ललाई फकाई विवाह गरेको भन्दै पीडित पक्षले जेठ १३ गते जिल्ला प्रहरी कार्यालयमा उजुरी दिएको थियो । पीडित पक्षले दिएको सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी राजकुमार श्रेष्ठले इन्सेकलाई जानकारी दिनुभयो ।

प्रहरीको सहयोगमा बालिकाको उद्धार गरिएको छ । पीडितको स्वास्थ्य परीक्षण जेठ १३ गते अर्घाखाँची अस्पताल, सन्धिखर्कमा भयो ।

कुलबहादुर नेपाली