समाचारहरू

१५ वर्षीया बालिकासँग ०७९ असार १७ गते बालविवाह गरेको कसुरमा माडी नगरपालिका-२ का १७ वर्षीय बालकलाई जिल्ला अदालत चितवनका न्यायाधीश रितेन्द्र थापाको इजलासले माघ १७ गते ६ महिना कैद हुने फैसला सुनाएको छ ।

बालिकालाई असार १७ गते अपहरण गरी कसुरदारले विवाह गरेर घरमा लगेका थिए । पीडित बालिकाले सोही दिन आत्महत्या गरेकी थिइन् । शवकाे भरतपुर अस्पतालमा असार १८ गते पोष्टमार्टम भयो ।

आफ्नो घरमा बन्धक बनाई जबर्जस्ती करणी गरेर अत्महत्या गर्न दुरूत्साहन गरेको भनी पीडितको हजुरबुबाले ०७९ असार १८ गते जिल्ला प्रहरी कार्यालय उजुरी दिएपछि सोही दिन प्रहरीले गिरफ्तार गरेको थियो ।

घटनाका आरोपितलाई असार १७ गते नै गिरफ्तार गरेको थियो ।

प्रहरीले बालकलाई बालविवाह तथा आत्महत्या दुरुत्साहनमा साउन ८ गते जिल्ला अदालतमा मुद्दा दर्ता गरेकोमा न्यायाधीश अवनी मैनालीको इजलास आदेशले सोही दिन आरोपित पूर्पक्षका लागि थुनामा गएका थिए । उनलाई बालसुधार गृह हेटाैँडामा पठाएको अदालतका श्रेष्तेदार इश्वर आचार्यले बताउनुभयो ।

दिपेन्द्र अधिकारी