समाचारहरू

बालविवाह गराउन ललाईफकाई गरेको आरोपमा प्रहरीले नारायण नपा–८ ढकानेकी ३५ वर्षीया देवीकला नेपाली र सोही ठाउँकी १९ वर्षीया दुर्गा नेपालीलाईसाउन १७ गते गिरफ्तार गरेको छ ।

१४ वर्षीया एक बालिकालाई र १६ वर्षीय बालकसँग विवाह गर्न उक्साई दुवै जनालाई सँगै सुत्न लगाएको विषयमा बालविवाह र जबरजस्ती करणी मुद्दा समेत चलाउने गरी प्रहरीले अनुसन्धान सुरू गरेको जनाएको छ ।

साउन ५ गते भएको उक्त घटनाका विषयमा पीडित पक्षले जिल्ला प्रहरी कार्यालयमा साउन ६ गते उजुरी दिएको थियो । पीडित पक्षको उजुरीका आधारमा घटनाको प्रकृति अनुसन्धानबाट समेत खुलेको कारण घटना गराउन संलग्न आरोपितलाई गिरफ्तार गरिएको जिल्ला प्रहरी कार्यालय दैलेखका प्रहरी प्रमुख डिएसपी सरोज पौडेलले बताए ।

पीडितको स्वास्थ्य परीक्षण साउन ६ गते दैलेख अस्पतालमा गरिएको थियो । आरोपित बालक फरार रहेको डीएसपी पौडेलले जानकारी दिए ।

अमर सुनार