समाचारहरू

बालबालिकालाई साथमा लिएर अभिभावक रोजगारीमा जाँदा विद्यालय छाड्ने बालबालिकाको सङ्ख्या बढ्दै गएको छ ।

सुनछहरी गाउँपालिकाकाका अधिकांश दुर्गम बस्तीका स्थानीयहरू रोजगारीकोलागि  जिल्ला बाहिर वा भारतमा कमाउन जाने गरेका छन् । पछिल्लो समय भारतलगायत मनाङ मुस्ताङमा रोजगारका लागि नजिकको प्रमुख गन्तव्य जस्तै बनेको छ ।

गाउँघरमा दुख गरेर लगाएका अन्न बालीले ६ महिना पनि खान नपुग्ने भएपछि रोजिरोटीकै निम्ति कमाउन जान परेको यहाँका स्थानीयवासीको भनाई रहेको छ ।

उक्त गाउँका बयस्क व्यक्तिहरू कमाउन जाने र बालबालिकाहलाई  पनि सँगै लैजाने भएका कारण वर्षेनी बालबालिकाले विद्यालय छाड्ने संख्या बढ्दै गएको सुनछहरी गाउँपालिका– २ का स्थानीय रेगम घर्तीले बताउनु भयो ।

अविभावकहरु रोजगारीको निम्ती जिल्ला बाहिर जाँदा आफ्ना साना नानीबाबुहरु प्नि साथमा लिएर जाने गरेका छन् । जसको कारण विद्यालय छाड्ने बालबालिकाहरूको संख्या बढ्ने गरेको छ भने बालबालिकाहरू पढ्न पाउने अधिकारबाटै वञ्चित हुने गरेका छन् ।

यहाँका अधिकांश स्थानीयरू हिउदको समयमा घर आउने तथा चैत–वैशाखमा कमाउन इँट्टा भट्टा तथा मनाङ मुस्ताङ, भारत तीर जाने गरेका छन् । बुवा आमा नै कमाउनजाँदा साना बालबालिकालाई पनि साथमै लिएर जानुपर्ने अवस्थाले बालबालिकाको पढाइमा प्रभाव पारेको छ भने नियमित खोप तथा स्वास्थ्य चेकजाँचमासमेत प्रभावि हुने गरेको स्युरी स्वास्थ्य चौकीका इन्चार्ज खड्कबहादुर गाहाले बताउनु भयो ।

अभिभावकहरूले आफ्ना बालबालिकासमेत लिएर जादा साना कक्षाहरूमा विद्यालय छोड्ने बालबालिकाको संख्या बढेको नेपाल राष्ट्रिय माध्यमिक विद्यालय  सुनछहरी गउँपालिका – ४ स्युरीका शिक्षक दलबहादुर पुन मगरले बताउनु

बालबालिकालाई साथमा लिएर कमाउन जानुपर्ने बाध्यताले बालबालिकाको पढाइमा प्रभाव पर्नु तथा विद्यालय छाड्नेको संख्या समेत बढि रहनु चुनौतीको विषय भएको सुनछहरी गाउँपालिकाका शिक्षा शाखा प्रमुख रेगबहादुर पुन मगरले बताउनु भयो । रेगबहादुरका अनुसार विद्यालय छोडेर जिल्ला बाहिर काम गर्न जाने र परीक्षामा सहभागी हुन आउने समस्यासमेत विद्यालयहरूमा देखिने गरेको छ ।

गत वर्ष सुनछहरी गाउँपालिकामा  ४६ जना विद्यार्थीले विद्यालय छाडेका थिए भने यस वर्ष अनुमानित २३ – २४ जनाले विद्यालय छाडेको शिक्षा शाखा प्रमुख रेगबहादुर पुनले बताउनु भयो ।

तिलक जिएम