समाचारहरू

कर्णाली नदी छेउछाउका होटल व्यवसायी र पैदल यात्रुु वर्षातको समयमा कर्णाली नदीको धमिलो पानी पिउन बाध्य भएका छन् । स्वच्छ खानेपानीको व्यवस्था नहुँदा अन्य विकल्प नभएपछि कर्णाली नदीको धमिलो पानी पिउनु पर्ने बाध्यता रहेको बाटो हिड्ने बटुवाले गुनासो गर्ने गरेका छन् ।

०७९ वैशाख महिनादेखि यात्रुुहरूले दक्षिणी हुम्लाको कर्णाली नदीको छेउछाउमा पैदल यात्रा गर्दा धमिलो पानी पिउनु पर्ने बाध्यता रहेको पैदल यात्रु अर्जुन बोहराले बताउनु भएको छ । यो समय गर्मी धेरै हुने तर बाटोमा स्वच्छ खानेपानीको व्यवस्था कतै नभएका कारण माटोको लेदो र बालुुवा भएको पानी पिउनुुपर्ने बाध्यता भएको यात्रु बोहराले गुनासो गर्नु भयो ।

यो समस्या बाजुुरा जिल्लासँगको सिमाना कवाडीदेखि खार्पुुनाथ गाउँपालिकाको छारेसम्म रहेको छ । बाढी–पहिरो जाने र हिमालको हिउँ पग्लने भएका कारण खोलानाला र नदीको पानी बाक्लो लेदोसहित धमिलो हुँदै आएको छ ।

खार्पुनाथ र सर्केगार्ड गाउँपालिकाको सिमाना छारेमा आठ वर्षदेखि होटल व्यवसाय संचालन गर्दै आएकी बाटुुल्ली रावलले बर्षेनी बर्षाको बेला कर्णाली नदीको धमिलो पानी प्रयोग गर्दै आएको बताउनु भयो ।

पहिला खानेपानीको व्यवस्था भए पनि बाटो पर्ने भएका कारण आफूहरू होटल बन्द गरेर घर गएको बेला खानेपानीको लाइनमा आगलागी भएपछि पानी आउन बन्द भएकाले नदीको धमिलो पानी प्रयोग गर्दै आएको गुनासो गर्नु भयो ।

खार्पुनाथ र सर्केगार्ड गाउँपालिकाको सिमाना छारेसम्मको बाटोमा ठाउँठाउँमा ४०/५० ओटा चिया तथा खाना खाने होटल रहेका छन् । यी चिया तथा खाना खाने होटलका व्यवसायी र उक्त होटलमा आउने यात्रुले पनि नदिको धमिलो पानी पिउने गर्दछन् ।

आफू मात्र नभई होटलमा आउने ग्राहकले खाना, चिया नास्ता जे खाए पनि सोही धमिलो पानी प्रयोग गर्ने गरेको होटल व्यवसायी रावलले बताउनु भयो । कुुनै ग्राहकले आफूसँग भएको कपडाले छानेको पानी पिउने गरे पनि अधिकांशले नदिको धमिलो पानी प्रयोग गर्दै आएका छन् । पानी पिउने मात्र नभई सरसफाइदेखि बाटो हिड्ने पशुुवस्तुुले समेत उक्त पानी प्रयोग गर्नुपर्ने बाध्यता छ ।

छारे हुँदै प्रतिदिन करिब दुुई सय मानिस र एक सय खच्चड आउजाउ गर्छन् । ठेहे स्वास्थ्य चौकीका इन्चार्ज दानबहादुर बोहराले भरसक धमिलो पानी प्रयोग नगर्न र गर्नैपर्ने भए छानेर, उमालेर वा पीयूष प्रयोग गर्न सुुझाव दिनु भएको छ ।

बाटोमा हिड्ने बटुवाका लागि विभिन्न स्थानमा पानीको व्यवस्थाका लागि स्थानीय तहलाई बजेट नभएको खार्पुनाथ गाउँपालिका अध्यक्ष कर्ण रावल बताउनु हुन्छ । उहाँले भन्नु भयो पिउने पानीको व्यवस्थापन गर्ने हो भनेपनि सार्वजनिक धाराको सुरक्षा नुहँदा पैदल यात्रुले दुःख पाउँदै आएका छन । उक्त समस्या विगत २०/२५ वर्ष अघिदेखिको भएको अध्यक्ष रावलले जानकारी दिनु भएको छ ।

नन्द सिंह