बागमती प्रदेशमा निर्वाचित हुने चार जना सदस्य पदका लागि राष्ट्रियसभा मतदान सुरु
राष्ट्रियसभा निर्वाचनमा बागमती प्रदेशमा निर्वाचित हुने चार जना सदस्य पदका लागि राष्ट्रियसभा मतदान हेटौँडास्थित भुटनदेवी माविको प्राविधिक भवनमा ०८० माघ ११ गते सुरु भएको छ । राष्ट्रियसभा सदस्य निर्वाचनका लागि प्रदेश सभाका १ सय १० जना सदस्य र स्थानीय तहकाका प्रमुख र उपप्रमुख गरी २ सय ३७ जना रहेका छन् । मतदान स्थलमा दुई केन्द्र र आठ बुथ रहेका छन् ।
राष्ट्रियसभा सदस्य निर्वाचन अन्तर्गत बागमती प्रदेशमा १५ जनाले उम्मेदवारी दर्ता गराएका थिए । निर्वाचन आयोगका अनुसार बागमती प्रदेशमा महिला समूहका लागि चार राजनीतिक दलका तर्फबाट, दलित समूहका लागि तीन राजनीतिक दलका तर्फबाट, अपाङ्गता भएका व्यक्ति वा अल्पसङ्ख्यक समुदायका लागि चार राजनीतिक दलका तर्फबाट र अन्य समूहका लागि चार राजनीतिक दलका तर्फबाट गरी जम्मा १५ जना उम्मेदवारको मनोनयनपत्र दर्ता भएको थियो ।
आयोगका अनुसार बागमती प्रदेशमा एक जना महिला सदस्यको निर्वाचनका लागि नेकपा एमालेका तर्फबाट रोच कुमारी चौलागाईं, नेपाली कांग्रेसका तर्फबाट विष्णु देवी पुडासैनी, राष्ट्रिय प्रजातन्त्र पार्टीका तर्फबाट बालकुमारी डल्लाकोटी र नेपाल मजदुर किसान पार्टीका तर्फबाट कृष्ण लक्ष्मी दुवालको मनोनयन दर्ता भएको थियो ।
त्यसैगरी एक जना दलित सदस्य पदको निर्वाचनका लागि नेकप एमालेका तर्फबाट ध्रुवराज विश्वकर्मा, नेकपा (एकिकृत समाजबादीका) तर्फबाट घनश्याम रिजाल, नेपाल मजदुर किसान पार्टीका तर्फबाट सङ्गिता नेपाली र अपाङ्गता भएको व्यक्ति वा अल्पसङ्ख्यक समुदायको एक जना सदस्य पदको निर्वाचनका लागि नेकपा एमालेका तर्फबाट विवेक देवकोटा, नेपाल कम्युनिष्ट पार्टी (माओवादी केन्द्र) का तर्फबाट श्रीकृष्ण प्रसाद अधिकारी, राष्ट्रिय प्रजातन्त्र पार्टीका तर्फबाट भरतमणी भट्ट र नेपाल मजदुर किसान पार्टीका तर्फबाट हिमालयश्वर लाल मुलको मनोनयन दर्ता भएको थियो ।
त्यसैगरी आयोगले अन्य समूहको एक सदस्य पदको निर्वाचनक लागि नेकपा एमालेका तर्फबाट त्रिलोचन निर्मल पौडेल, नेपाली कांग्रेसका तर्फबाट जित जङ्ग बस्नेत, राष्ट्रिय प्रजातन्त्र पार्टीका तर्फबाट हेम जङ्ग गुरुङ र नेपाल मजदुर किसान पार्टीका तर्फबाट श्रीकृष्ण महर्जनको उम्मेदवारी दर्ता भएको थियो ।
मतदानको कार्यक्रम बिहान ९ बजेदेखि ३ बजेसम्मका लागि निर्धारित समयमा तोकिएको छ ।
पुष्पराज अधिकारी
सम्बन्धित समाचारहरू
पत्नी हत्या घटनाका आरोपित गिरफ्तार
दुप्चेश्वर गाउँपालिका -७ नुवाकोट घर भई दक्षिणकाली नगरपालिका -६ बस्दै आएकी ४५ वर्षीया डोल्मा शेर्पाको हत्या गरेको आरोपमा प्रहरीले ६० वर्षीय पति जितबहादुर शेर्पालाई असोज २० गते भक्तपुरबाट गिरफ्तार गरेको…
खानेपानी अभाव हुँदा सेवाग्राही समस्यामा
जयपृथ्वी नगरपालिका–७ स्थित सुबेडा स्वास्थ्य चौकीमा खानेपानीको समस्या हुँदा सेवाग्राही समस्यामा परेका छन् । पानीको अभाव भएका कारण एक घण्टाको बाटो हिडेर खोलाबाट पानी बोकेर पिउनका लागि जम्मा गर्नु परेको…
स्वास्थ्य चौकीमा खानेपानीको अभाव हुँदा बिरामीलाई समस्या
अमरगढी नगरपालिका–३ स्थित घटाल स्वास्थ्य चौकीमा खानेपानीको अभाव भएपछि बिरामीलाई समस्या भएको छ । स्वास्थ्य चौकीमा खानेपानीको अभाव भएपछि सेवा लिन आउने गर्भवती, सुत्केरी, बिरामी र स्वास्थ्य चौकीमा कार्यरत कर्मचारीलाई…
कोशी प्रदेशमा मनसुनजन्य विपद्: पाँच जिल्लाका १८ ओटा विद्यालयमा क्षति
कोशी प्रदेशमा ०८१ जेठ २८ गतेदेखि सुरूआत भएको मनसुन ०८१ असोज १० गतेदेखि पुन सक्रिय भएपछि मनसुनजन्य प्राकृतिक विपदका कारण ४ अर्ब ६३ करोड ५० लाख रुपियाँ बराबरको भौतिक पूर्वाधारमा…
बाढी प्रभावित र प्रहरीबिच झडप, दुई जना प्रहरीसहित चार जना घाइते
भोक्राहा नरसिंह गाउँपालिकामा बाढी प्रभावित र प्रहरीबिच भएको झडपमा एक जना प्रहरीसहित तीन जना घाइते भएका छन् । बाढी प्रभावितहरूले भोक्राहा नरसिंह गाउँपालिका कार्यालय असोज २१ गते घेराऊ गरी राहत…
