बहुविवाह घटनाका आरोपित गिरफ्तार

  ०७३ असोज १२ गते

हेटौँडा उमनपा-१० की अम्बिका विष्टको उजुरीका आधारमा ३८ वर्षीय पति रामकुमार क्षेत्री र हेटौँडा उमनपा-४ की ३५ वर्षीया आशा श्रेष्ठलाई प्रहरीले असोज ११ गते गिरफ्तार गरेको छ ।

पीडित महिलाले असोज ३ गते जिल्ला प्रहरी कार्यालय हेटौडामा पति रामकुमारले आशासँग बहुविवाह गरेको आरोपमा उजुरी गरेपछि अनुसन्धानका लागि उनीहरूलाई गिरफ्तार गरिएको प्रहरीले जनाएको छ । रामकुमारले भदौ ३१ गते आशासँग बहुविवाह गरेको आरोप छ ।

यसैगरी छतिवन गाविस-४ का ३६ वर्षीय रमेश जिम्वाले सोही ठाउँकी ३० वर्षीया राममाया घलानसँग बहुविवाह गरेको आरोपमा प्रहरीले असोज ९ गते गिरफ्तार गरेको छ ।

पीडित ३९ वर्षीया पत्नी पवित्रा जिम्वाले पति रमेश र राममायाविरुद्ध जिल्ला प्रहरी कार्यालय हेटौँडामा असोज २ गते उजुरी दिएकी थिइन् । रमेशले ०७३ भदौ ३ गते राममायासँग बहुविवाह गरेको आरोप छ ।


प्रताप विष्ट