समाचारहरू

बहुविवाह गरेको आरोपमा प्रहरीले सैनामैना नगरपालिका-६ कलौनीका २८ वर्षीय शालिकराम सुवेदीलाई माघ ४ गते आरोपितको घरैबाट गिरफ्तार गरेको छ ।

आरोपित सुवेदीले पत्नी शारदा सुवेदी र दुई छोरा हुँदाहुँदै सैनामैना नगरपालिका-६ कलौनीकै ३१ वर्षीया बविता जिसीलाई पुस १३ गते भगाएर फरार रहेको र अहिले गाउँमा आएको भनी आरोपितकी  २९ वर्षीय पत्नी शारदा सुवेदीले माघ ४ गते इलाका प्रहरी कार्यालय सालझण्डीमा बहुविवाहसम्बन्धी उजुरी दिएकी थिइन् ।

पीडित महिलाको उजुरीका आधारमा प्रहरीले आरोपितद्वयलाई माघ ४ गते सैनामैना-६ बाटै गिरफतार गरी बहुविवाहसम्बन्धी कारबाही अगाडि बढाइएको इलाका प्रहरी कार्यालय सालझण्डीका इन्स्पेक्टर दिपेश वस्यालले बताए ।

रीमा बि.सी.