समाचारहरू

बहुविवाह गरेको आरोपमा स्यालाखदी गाविस-३ का २८ वर्षीय दुर्गबहादुर परियार र सोही ठाउँकी २१ वर्षीया विष्णुमाया परियारलाई प्रहरीले मङ्सिर ९ गते गिरफ्तार गरेको छ ।

दुर्गबहादुरकी पत्नी २६ वर्षीया मनमाया परियारको उजुरीका आधारमा आरोपितद्वयलाई घरैबाट गिरफ्तार गरिएको जिल्ला प्रहरी कार्यालय रूकुमका डीएसपी अङ्गुर जिसीले बताए ।

आरोपितद्वयले गएको कात्तिक २५ गते विवाह गरेको आरोपमा पीडित महिलाले मङ्सिर ५ गते जिल्ला प्रहरी कार्यालय रूकुममा उजुरी दिएकी थिइन् ।

यसैगरी बहुविवाहको आरोपमा मुसिकोट नपा-४ का ४१ वर्षीया प्रकाश बराम र छिवाङ्ग गाविस-६ की २१ वर्षीया मुना केसीलाई प्रहरीले मङ्सिर ८ गते घरैबाट गिरफ्तार गरेको जिल्ला प्रहरी कार्यालय रूकुमले जनाएको छ ।

जिल्ला प्रहरी कार्यालयका डीएसपी जिसीका अनुसार प्रकाशले कात्तिक २७ गते मुनासँग दोस्रो विवाह गरेको आरोपमा जेठी पत्नी लिला बरामले जिल्ला प्रहरी कार्यालय रूकुममा मङ्सिर ४ गते उजुरी दिएकी थिइन् ।

आदर्श केसी