बहुविवाह घटनाका आरोपितहरू गिरफ्तार

  ०७३ पुस ५ गते

डिमन गाविस-१ की ३२ वर्षीया रम्भाकुमारी यादवको उजुरीमा उनका पति ३५ वर्षीय उमेशप्रसाद यादव र निजकी कान्छी पत्नी २० वर्षीया बुच्ची भनिने प्रितीकुमारी यादवलाई सप्तरी प्रहरीले पुस ५ गते गिरफ्तार गरेको छ ।

नर्घो गाविस-५ स्थित माइतीघरमा विस्थापित पीडितले दिएको उजुरी प्रहरीले पुस १ गते दर्ता गरी बहुविवाह घटनाका आरोपितलाई अनुसन्धानका लागि गिरफ्तार जिल्ला प्रहरी कार्यालयका एसपी देवेश लोहनीले जानकारी दिए ।

आरोपित उमेशले ०७३ बैशाखमा कुटपिट गरी घरनिकाला गरेपछि माइतीघरमा विस्थापित पीडित ०७३ मङ्सिर ३ गते घर फर्किएकी थिइन् । आरोपितहरू दुवै जना मङ्सिर ५ गते घर प्रवेश गरेपछि बहुविवाहबारे थाहा पाएको भन्दै पीडितले जिल्ला प्रहरी कार्यालयमा मङ्सिर १२ गते उजुरी दिएकी थिइन् ।

सामाजिक परम्पराअनुसार पीडित र आरोपित उमेशबीच ०६२ फागुन २८ गते विवाह भएको थियो ।


मनोहरकुमार पोखरेल