समाचारहरू

बहुविवाह गरेको कसुरमा जिल्ला अदालतले चैत २७ गते लहान नपा-१५ का २४ वर्षीय शङ्कर ढुङ्गानालाई १ वर्षकैद र ५ हजार रुपियाँ जरिबाना र २० वर्षीया स्मिता कार्कीलाई सफाई दिने फैसला गरेको छ ।

न्यायाधीश चन्द्रमणी ज्ञवालीको इजलासले सो फैसला गरेको सरकारी वकिल जुद्धबहादुर आले मगरले बताए ।

लहान नपा-१५ की २० वर्षीया पुनम ढुङ्गानाले ०७३ मङ्सिर १५ गते आरोपितद्वयविरुद्ध बहुविवाह गरेको आरोपमा कारबाहीको माग गर्दै इलाका प्रहरी कार्यालय लहानमा पुस १९ गते उजुरी दिएकी थिइन् ।

इलाका प्रहरी कार्यालय लहानले आरोपीतहरूलाई पुस १९ गते गिरफ्तार गरेर बहुविवाहमा मुद्दा चलाएको थियो । जिल्ला अदालतको आदेशमा आरोपित शङ्करलाई ३० हजार रुपियाँ र स्मितालाई १५ हजार रुपियाँ धरौटीमा माघ ५ गते रिहा भएका थिए ।

दुर्गा परियार