बलात्कार र यौन दुर्व्यवहार घटनाका आरोपितहरू गिरफ्तार

  ०७४ जेठ २२ गते

२९ वर्षीया महिलालाई बलात्कार गरेको आरोपमा प्रहरीले नवलपरासी जिल्ला रामग्राम नगरपालिका-७ घर भई हाल सशस्त्र प्रहरी सीमा सुरक्षा बल भैरहवा डण्डामा कार्यरत ३४ वर्षीय दिनेश नेटुवा राठोरलाई जेठ २१ गते भैरहवाबाटै गिरफ्तार गरेको छ ।

पीडित महिलालाई आरोपितले जेठ २१ गते बलात्कार गरेको आरोपमा पीडित महिलाले दिएको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालय रुपन्देहीका डिएसपी बेलबहादुर पाण्डेले बताए ।

पीडित महिलाको स्वास्थ्य परीक्षण जेठ २१ गते नै भिम अस्पताल भैरहवामा गरिएको प्रहरीले जनाएको छ ।

नौ वर्षीया बालिकालाई यौन दुर्व्यवहार गरेको आरोपमा रुपन्देही प्रहरीले बुटवल उपमहानगरपालिका-११ नहरपुरका ४० वर्षीय कृष्ण गिरीलाई जेठ २१ गते गिरफ्तार गरेको छ ।

पीडित बालिकालाई आरोपितले जेठ २१ गते यौन दुर्व्यवहार गरेको आरोपमा पीडित बालिकाका अभिभावकले जेठ २१ गते इलाका प्रहरी कार्यालय बुटवलमा उजुरी दिएका थिए ।

पीडित पक्षको उजुरीको आधारमा आरोपितलाई अनुसन्धानका लागि गिरफ्तार गरिएको इलाका प्रहरी कार्यालय बुटवलका सई बाबुराम पुरीले बताए ।

पीडित बालिकाको स्वास्थ्य परीक्षण जेठ २१ गते नै लुम्बिनी अञ्चल अस्पताल बुटवलमा गरिएको छ ।


रीमा बिसी