बलात्कार मुद्दाका फरार आरोपित गिरफ्तार

 

१३ वर्षीया बालिका बलात्कार मुद्दाका फरार आरोपितलाई जिल्ला प्रहरी कार्यालय सिरहाले पुस १९ गते गिरफ्तार गरेको छ ।

गिरफ्तारीमा पर्नेमा विष्णुपुर गाउँपालिका–३ का २२ वर्षीय रविन्द्र यादव रहेको जिल्ला प्रहरी कार्यालय सिरहाका इन्स्पेक्टर उमाशङ्करप्रसाद यादवले बताए ।

पीडित बालिकालाई ०७५ असोज ११ गते विष्णुपुर गाउँपालिका–२ का २२ वर्षीय दिपा भन्ने दिपेन्द्रकुमार यादव, रविन्द्र यादव, सोही ठाउँका २३ वर्षीय नविन यादव र २१ वर्षीय उदिपा यादवले बलात्कार गरेको आरोपमा पीडित पक्षले जिल्ला प्रहरी कार्यालय सिरहामा असोज १४ गते उजुरी दिएको थियो ।

पीडित बालिकाको स्वास्थ्य परीक्षण जिल्ला अस्पताल सिरहामा असोज १४ गते गरिएको थियो । जिल्ला प्रहरी कार्यालय सिरहाका इन्स्पेक्टर यादवका अनुसार आरोपित दिपेन्द्रलाईलाई असोज १४ गते गिरफ्तार गरेको र रविन्द्र फरार रहेकोले खोजतलासको क्रममा पुस १९ गते सुराकीको आधारमा गिरफ्तार गरी जिल्ला अदालतमा बुझाएको बताए ।

गिरफ्तारीमा परेका अर्का आरोपित जिल्ला अदालतको आदेशमा कात्तिक ११ गते देखि पुर्पक्षका लागि थुनामा रहेका छन् भने अन्य २ अझै फरार रहेका छन ।


दुर्गा परियार