समाचारहरू

३५ वर्षीया महिलालाई बलात्कार प्रयास गरेको आरोपमा फत्तेपुर गाविस-७ झगडियाका २० वर्षीय गोरे गड्डी र सोही ठाउँका २१ वर्षीय भड्डु गड्डीलाई फत्तेपुर प्रहरी चौकीले साउन २५ गते गिरफ्तार गरेको छ ।

आरोपित दुवैलाई साउन २६ गते जिल्ला प्रहरी कार्यालयमा बुझाएको फत्तेपुर प्रहरी चौकीले जनाएको छ ।

पीडित महिलालाई साउन २३ गते बलात्कार प्रयास गरेको भन्दै पीडितले जिल्ला प्रहरी कार्यालयमा साउन २६ गते उजुरी दिएकी थिइन् । आरेपितहरूले गरेको हातपातबाट पीडितको शरीरको भागमा चिथोरिएको पीडित महिलाले बताइन् ।

पीडितको स्वास्थ्य परीक्षण गर्ने प्रक्रियामा रहेको प्रहरीले जनायो । जिल्ला प्रहरी कार्यालयले पीडितले दिएको उजुरीको आधारमा आरोपितलाई गिरफ्तार गरी अनुसन्धान सुरू गरिएको जानकारी दिएको छ ।

विनोद पाण्डे