समाचारहरू

३७ वर्षीया महिलालाई बलात्कार प्रयास गरेको आरोपमा प्रहरीले सियारी गाउँपालिका–२ का २० वर्षीय हंशराज चौधरीलाई कात्तिक १० गते सियारी गाउँबाटै गिरफ्तार गरेको छ ।

पीडित महिलालाई आरोपितले कात्तिक ९ गते बलात्कार प्रयास गरेको भनी पीडित महिलाले कात्तिक १० गते जिल्ला प्रहरी कार्यालय रुपन्देहीमा उजुरी दिएकी थिइन् ।

पीडित महिलाले दिएको उजुरीका आधारमा प्रहरीले कारवाही अगाडी बढाएको जिल्ला प्रहरी कार्यालयका डिएसपी कुमोध ढुङ्गेलले बताए । पीडित महिलाको कात्तिक १० गते भिम अस्पताल भैरहवामा स्वास्थ्य परीक्षण गरिएको प्रहरीले जनायो ।

त्यसैगरी २६ वर्षीया महिलालाई यौन दुव्र्यवहार गरेको आरोपमा प्रहरीले सिद्धार्थनगर नगरपालिका–३ का २८ वर्षीय शुनिल कहाँर, सोही नगरपालिका–५ का १९ वर्षीय आकाश कहाँर र सोही नपा–६ का २८ वर्षीय मुर्तजा राइनलाई कात्तिक १० गते गिरफ्तार गरेको छ ।

पीडित महिलालाई आरोपितहरूले कात्तिक १० गते बिरामी भएकी आमालाई भेट्न भैरहवा मेडिकल जाँदा रिक्सा चालक र रिक्सामा सवार व्यक्तिले यौन दुव्र्यवहार गरेको भनी पीडित महिलाले कात्तिक १० गते नै जिल्ला प्रहरी कार्यालय रुपन्देहीमा उजुरी दिएकी थिइन् ।

पीडित महिलाले दिएको उजुरीका आधारमा प्रहरीले कारवाही अगाडी बढाएको जिल्ला प्रहरी कार्यालयका डिएसपी कुमोध ढुङ्गेलले बताए । पीडित महिलाको स्वास्थ्य परीक्षण कात्तिक १० गते नै भिम अस्पताल भैरहवामा गरिएको प्रहरीले जनायो ।

त्यसैगरी सात वर्षीया बालिकालाई बलात्कार गरेको आरोपमा प्रहरीले सियारी गाउँपालिका–२ का २२ वर्षीय दिपक कलवार बानियाँलाई कात्तिक १० गते गिरफ्तार गरेको छ ।

पीडित बालिकालाई आरोपितले बलात्कार गरेको भनी पीडित बालिकाकी आमाले कात्तिक १० गते जिल्ला प्रहरी कार्यालय रुपन्देहीमा उजुरी दिएकी थिइन् ।

पीडित बालिकाकी आमाले दिएको उजुरीका आधारमा आरोपितविरूद्ध कारवाही अगाडि बढाइएको जिल्ला प्रहरी कार्यालयका डिएसपी कुमोध ढुङ्गेलले बताए ।
पीडित बालिकाको स्वास्थ्य परीक्षण कात्तिक १० गते नै भिम अस्पताल भैरहवामा गरिएको डिएसपी ढुङ्गेलले बताए ।

रीमा बिसी