बलात्कार प्रयास घटनाका आरोपितहरूविरुद्ध उजुरी

  ०८१ फागुन १ गते

१९ वर्षीया युवतीलाई बलात्कार प्रयास गरेको आरोपमा गौशाला नगरपालिका-६ निगौलका २० वर्षीय इब्राम नदाफ, २१ वर्षीय गुफ्रान शेख र २० वर्षीय मुन्ना शेखविरुद्ध ०८१ माघ २९ गते पीडित पक्षले जिल्ला प्रहरी कार्यालय महोत्तरीमा उजुरी दिनुभएको छ ।

माघ २७ गते मद्रसा मेला हेर्न गएको बेला इब्रामले विशेष कुरा गर्न भनि नजिकैको मसला बारीमा लगि गुफ्रान र मुन्नालाई बोलाई पीडितले लगाएको सलले रुखमा हाथ बाँधेर बलात्कार प्रयास गर्दा भाग्न सफल भएको पीडित पक्षले बताउनु भयो ।

पीडित युवतीको स्वास्थ्य परीक्षण माघ २९ गते प्रादेशिक अस्पताल जलेश्वरमा भयो ।

उजुरी लगत्तै निगौलबाट आरोपित गुफ्रान शेखलाइ गिरफ्तार गरेको जिल्ला प्रहरी कार्यालयका इन्स्पेक्टर विशाल सिंहले जानकारी दिनुभयो । फरार रहेका इब्राम र मुन्नाको खोजि भइरहेको इन्स्पेक्टर सिंहले बताउनु भयो ।


ममता विश्वकर्मा