समाचारहरू

३५ वर्षीया महिलालाई बलात्कार प्रयास गरेको आरोपमा हरिवन नगरपालिका-२ का ३४ वर्षीय भुख्लु राय यादवलाई ०८१ असार १६ गते इलाका प्रहरी कार्यालय हरिवनले गिरफ्तार गरेको छ ।

घरमा एक्ले भएको मौका छोपी ०८० चैत १४ गते आरोपित यादवले पीडित महिलालाई धाक धम्की दिई बलात्कार प्रयास गरेको भन्दै ०८१ वैशाख १३ गते पीडित पक्षले इलाका प्रहरी कार्यालय हरिवनमा पिडित पक्षल उजुरी दिनु भएको थियो ।

आरोपित यादवलाई असार १६ गते गिरफ्तार गरी असार १७ गते जिल्ला अदालतबाट तीन दिनको म्याद थप गराई घटनाको थप अनुसन्धान गरिरहेको इलाका प्रहरी कार्यालय हरिवनका इन्स्पेक्टर अनिलराज गिरीले जानकारी दिनु भयो ।

पीडित महिलाको स्वास्थ्य परीक्षण वैशाख १४ गते सर्लाही जिल्ला अस्पताल मलंगवामा भयो ।

बुधन साह