बलात्कार प्रयास घटनाका आरोपित गिरफ्तार

  ०७९ पुस २३ गते

२३ वर्षीया बौद्धिक अपाङ्गता भएकी महिलालाई बलात्कार प्रयास गरेको आरोपमा प्रहरीले कञ्चन गाउँपालिका–३ अधिकारी चोकका ३० वर्षीय राजेन्द्र अधिकारीलाई पुस २१ गते घरबाट  गिरफ्तार गरेको छ ।

पीडितलाई आरोपितले पुस २१ गते साँझ घरमा कोही नभएको अवस्थामा बलात्कार प्रयास गरेको भन्दै पीडितले पुस २३ गते इलाका प्रहरी कार्यालय सालझण्डीमा उजुरी दिनु भएको थियो ।

पीडित परिवारका अनुसार घरमा कोही नभएको अवस्थामा आरोपितले बलात्कार प्रयास गरेकोले न्यायका लागि प्रहरीमा उजुरी दिएका हुन् ।

उजुरीका आधारमा आरोपितलाई गिरफ्तार गरी अनुसन्धान थालिएको इलाका प्रहरी कार्यालय सालझण्डीका इन्स्पेक्टर जगन्ननाथ मरासिनीले बताउनु भयो ।

पीडितको स्वास्थ्य परीक्षण पुस २१ गते लुम्बिनी प्रादेशिक अस्पतालमा गरिएको छ ।

यसैगरी, १५ वर्षीया बालिकालाई यौन दर्व्यवहार गरेको आरोपमा प्रहरीले सैनामैना नगरपालिका–६ सुख्यौराका २५ वर्षीय मधु सोमरेलाई पुस २१ गते साँझ घरबाट गिरफ्तार गरेको छ ।

पीडितलाई आरोपितले पुस २१ गते यौन दुर्व्यवहार गरेको भन्दै पीडित बुवाले  पुस २२ गते इलाका प्रहरी कार्यालय सालझण्डीमा उजुरी दिनु भयो ।

आमा बैदेशिक रोजगारीमा गएको र बुवा काममा गएको मौका छोपेर आरोपितले यौन दुर्व्यवहार गरेको पीडितले बताउनु भयो ।

मौखिक उजुरीका आधारमा आरोपितलाई गिरफ्तार गरी अनुसन्धान भइरहेको इलाका प्रहरी कार्यालय सालझण्डीका इन्स्पेक्टर जगन्ननाथ मरासिनीले बताउनु भयो ।

पीडितको स्वास्थ्य परीक्षण पुस २१ गते लुम्बिनी प्रादेशिक अस्पतालमा गरिएको छ ।


रीमा बिसी