बलात्कार प्रयास घटनाका आरोपित गिरफ्तार

  ०७९ भदौ २० गते

२६ वर्षीया महिलालाई बलात्कार प्रयास गरेको आरोपमा प्रहरीले ठोरी गाउँपालिका–२ टाउन प्लान तेर्सो टोलका ४० वर्षीय बुद्धविर लामालाई भदौ १८ गते गिरफ्तार गरेको छ ।

पीडित महिलालाई आरोपित लामाले भदौ १५ गते बलात्कार प्रयास गरेको पीडित महिलाले आरोप लगाएकी छन् ।

पीडित महिलाले आरोपित लामाविरुद्ध जिल्ला प्रहरी कार्यालय पर्सामा भदौ १६ गते उजुरी दिएकी छन् ।

पीडित महिलाको स्वास्थ्य परीक्षण सोही दिन वीरगंजको नारायणी अस्पतालमा गरिएको जिल्ला प्रहरी कार्यालय पर्साका डिएसपी निर्मल बुढाथोकीले जानकारी दिनु भयो ।


कृष्णचन्द्र लामिछाने