बलात्कार प्रयास घटनाका आरोपितविरुद्ध उजुरी

  ०७९ भदौ १४ गते

३४ वर्षीया महिलालाई बलात्कार प्रयास गरेको आरोपमा पीडित पक्षले बरहथवा नगरपालिका–१६ जानकीनगरका ३५ वर्षीय सकलदेव महतोविरुद्ध इलाका प्रहरी कार्यालय बरहथवामा भदौ १२ गते उजुरी दिएको छ ।

पीडित महिलालाई आरोपितले भदौ ५ गते बलात्कार प्रयास गरेको पीडित पक्षको आरोप छ ।

इलाका प्रहरी कार्यालय बरहथवामा पीडित पक्षले उजुरी दिएपछि आरोपित महतो फरार रहेकोले खोजी कार्य जारी रहेको इलाका प्रहरी कार्यालय बरहथवाका इन्स्पेक्टर चन्देश्वर यादवले जानकारी दिनु भयो ।

पीडित महिलाको स्वास्थ्य परीक्षण भदौ १२ गते सर्लाही जिल्ला अस्पताल मलङ्गवामा गरिएको डा. नवलकिशोर झाले जानकारी दिनु भयो ।


बुधन साह