बलात्कार प्रयास घटनाका आरोपित गिरफ्तार

  ०७९ साउन २८ गते

३० वर्षीया महिलालाई बलात्कार प्रयास गरेको आरोपमा प्रहरीले पाल्हीनन्दन गाउँपालिका –२, हरपुर निवासी ३५ वर्षीय हकिम अन्सारीलाई साउन २७ गते गिरफ्तार गरेको छ ।
पीडितलाई आरोपितले साउन २६ गते बलात्कार प्रयास गरेको भन्दै पीडित पक्षले सोही दिन जिल्ला प्रहरी कार्यालयमा उजुरी दिएका थिए ।
गोठको गोबर फाल्न खेतमा जाने क्रममा पछाडिबाट आएर लगाएको कुर्ता तानेर बलात्कार प्रयास गरेको र आफू चिच्याएर गुहार माग्दा परिवारका सदस्य आएपछि आरोपित भागेको पीडितले बताउनु भयो ।
पीडित पक्षको उजुरीका आधारमा आरोपितलाई गिरफ्तार गरी अनुसन्धान सुरू गरेको डिएसपी प्रेमबहादुर शाहीले बताउनु भयो ।
पीडितको स्वास्थ्य परीक्षण साउन २६ गते जिल्ला अस्पतालमा गरिएको छ ।


नारायण पराजुली