बलात्कार प्रयास घटनाका आरोपितविरुद्ध उजुरी

२८ वर्षीया महिलालाई ईश्वरपुर नगरपालिका–८ गौरिशङ्कर टोलका ३६ वर्षीय रामबहादुर खडकाले बलात्कार प्रयास गरेको भन्दै पीडितले इलाका प्रहरी कार्यालय केशरगञ्जमा फागुन ३ गते उजुरी दिएकी छन् ।
पीडित महिलालाई आरोपितले फागुन १ गते बलात्कार प्रयास गरेको पीडित महिलाले आरोप लगाएकी छन् ।

पीडित महिलाको स्वास्थ्य परीक्षण फागुन ३ गते सर्लाही जिल्ला अस्पताल मलङ्गवामा गरिएको छ ।

घटनापछि आरोपित फरार रहेकोले खोजी कार्य भइरहेको इलाका प्रहरी कार्यालय केशरगञ्जका इन्स्पेक्टर जनकराज ढुङ्गानाले जानकारी दिनु भयो ।


बुधन साह