बलात्कार प्रयास घटनाका आरोपित विरुद्ध उजुरी

 

३० वर्षीया महिलालाई ब्रह्मपुरी गाउँपालिका-७, नोकैल्वाका वडा अध्यक्ष ३६ वर्षीय श्यामकुमार यादवले भदौ ५ गते बलात्कार प्रयास गरेको भन्दै पीडितले जिल्ला प्रहरी कार्यालयमा भदौ १३ गते उजुरी दिएकी छन् ।

आरोपितले यसअघि पनि पटकपटक आफूलाई दुर्व्यवहार गरेको पीडित महिलाले बताउनु भयो । पीडित महिलाको आर्थिक अवस्था कमजोर भएका कारण पति वैदेशिक रोजगारीका लागि विगत दुई वर्षदेखि कुवेतमा छन् ।

राजनीतिक निहुँमा र गाउँमै भएको पुरानो झगडाको बदला लिन गाउँकै केही स्थानीय व्यक्तिहरूले बलात्कार प्रयासको नाउँमा फसाएर बदनाम गर्न खोजेको वडा अध्यक्ष यादवका भाइ जसविन्द्र भनिने जोगेन्द्र यादवले बताउनु भयो ।

आरोपित घटनापछि फरार रहेकाले गिरफ्तार गरी कारवाही पक्रिया अगाडि बढाउने जिल्ला प्रहरी कार्यालयका डिएसपी माधवप्रसाद बुढाथोकीले जानकारी दिनु भयो ।

पीडित महिलाको स्वास्थ्य परीक्षण भदौ १३ गते जिल्ला अस्पताल मलङ्गवामा गरिएको छ ।


बुधन साह