बलात्कार प्रयास घटनाका आरोपित गिरफ्तार

६० वर्षीया महिलालाई बलात्कार प्रयास गरेको आरोपमा प्रहरीले थाहा नगरपालिका–६ बज्रबाराहीका २० वर्षीय नरेश दासलाई साउन ६ गते गिरफ्तार गरेको छ ।

पीडित महिलालाई आरोपितले साउन ६ गते बलात्कारको प्रयास गरेको भन्दै पीडित पक्षले आरोपित विरूद्ध साउन ७ गते इलाका प्रहरी कार्यालय पालुङमा लिखित उजुरी दिएको उक्त कार्यालयका इन्स्पेक्टर लोकबहादुर गुरुङले बताए ।

पीडित पक्षको मौखिक उजुरीका आधारमा आरोपितलाई साउन ७ गते जिल्ला प्रहरी कार्यालय हेटौँडा पठाइएको गुरुङले बताए । प्रहरीका अनुसार पीडित महिलाको स्वास्थ्य परीक्षण गरिएको छैन ।


पुष्पराज अधिकारी