बलात्कार प्रयास घटनाका आरोपित गिरफ्तार

 

४५ वर्षीया सुस्तमनस्थिति भएकी बोल्न नसक्ने महिलालाई बलात्कार प्रयास गरेको आरोपमा प्रहरीले बुटवल उपमहानपा–१८ का २३ वर्षीय दशरथ थारुलाई चैत १५ गते अमुवाबाट गिरफ्तार गरेको छ ।

आरोपितले पीडित महिलालाई चैत १५ गते कोही नभएको मौका छोपी बलात्कार प्रयास गरेको भन्दै छिमेकीहरुले चैत १५ गते इलाका प्रहरी कार्यालय बुटवलमा उजुरी दिएका थिए ।

पीडित महिलाका छिमेकीहरुले दिएको उजुरीका आधारमा प्रहरीले कारवाही अगाडि बढाएको इलाका प्रहरी कार्यालय बुटवलका डिएसपी डिलबहादुर मल्लले बताए ।

पीडित महिलाको स्वास्थ्य परीक्षण चैत १५ गते लुम्बिनी प्रादेशिक अस्पताल बुटवलमा गरिएको प्रहरीले जनायो ।

त्यसैगरी १२ वर्षीया बालिकालाई यौन दुर्व्यवहार गरेको आरोपमा प्रहरीले बुटवल उपमहानपा–१४ का ३२ वर्षीय प्रकाश सापकोटालाई चैत १५ गते मोतिपुरबाट गिरफ्तार गरेको छ ।

पीडित बालिकालाई आरोपितले चैत १४ गते साँझ घरमा कोही नभएको मौका छोपी यौन दुर्व्यवहार गरेको भनी पीडित बालिकाकी आमाले चैत १५ गते इलाका प्रहरी कार्यालय बुटवलमा उजुरी दिएकी थिइन् ।

पीडित बालिकाकी आमाले दिएको उजुरीका आधारमा प्रहरीले कारवाही अगाडि बढाएको इलाका प्रहरी कार्यालय बुटवलका डिएसपी डिलबहादुर मल्लले बताए ।

पीडित बालिकाको स्वास्थ्य परीक्षण चैत १५ गते लुम्बिनी प्रादेशिक अस्पताल बुटवलमा गरिएको प्रहरीले जनायो ।


रीमा विसी