बलात्कार प्रयास गरेको भन्दै देवरविरूद्ध प्रहरीमा उजुरी

 

२४ वर्षीया महिलालाई देवर नाता पर्ने २० वर्षीय युवकले बलात्कार प्रयास गरेको आरोपमा वैशाख २० गते इलाका प्रहरी कार्यालय लुहाममा उजुरी दिएकी छन् ।

पीडित महिलालाई आरोपितले वैशाख ७ गते बलात्कार प्रयास गरेको र आफूले प्रतिकार गर्दा होहल्ला भएपछि घटनास्थलबाट भागेको पीडितले आरोप लगाएकी छन् ।

घटनापछि लुकीछिपी बस्दै आएका आरोपित पीडितको माइतीघरमा गएर बसेको थाहा पाएपछि प्रहरीलाई जानकारी दिएको उनले बताएकी छन् ।

आरोपतिलाई वैशाख १९ गते गिरफ्तार गरेको प्रहरीले जनाएको छ । घटनाबारे थप अनुसन्धान भइरहेको इलाका प्रहरी कार्यालयका इञ्चार्ज लक्ष्मण डाँगीले जानकारी दिएका छन् ।


मिना बुढाथोकी