समाचारहरू

४५ वर्षीया अपाङ्गता हुनु भएकी महिलालाई बलात्कार प्रयास गरेको कसुरमा जिल्ला अदातलले छथर गाउँपालिका-२ का ६० वर्षीय कर्ण लिम्बूलाई ३ वर्ष ६ महिना कैद सजायको फैसला गरेको छ ।

जिल्ला अदालतका न्यायाधीश भीमबहाद्र निरौलाको ०८१ पुस २४ गतेको इजलासले कसुर गरेको ठहर गर्दै कैद सजायसँगै ६० हजार रुपियाँ जरिबाना र ४० हजार रुपियाँ क्षतिपूर्ति भराउन आदेश भएको अदालतका श्रेस्तेदार ऋतु राईले बताउनु भयो ।

पीडितलाई आरोपितले ०८० माघ १३ गते  बलात्कार प्रयास गरेको आरोपमा पीडित पक्षले आरोपितविरूद्ध माघ १३ गते जिल्ला प्रहरी कार्यालयमा उजुरी थियो ।

पीडित पक्षको उजुरीका आधारमा आरोपितलाई प्रहरीले माघ १३ गते गिरफ्तार गरी जिल्ला अदालतमा फागुन ६ गते बलात्कार प्रयास शीर्षकमा मुद्दा दर्ता गरेको थियो ।

जिल्ला अदालतका न्यायाधीश प्रमेश पोखरेलेको ०८० फागुन ६ गतेको आदेशले आरोपितलाई पुर्पक्षका लागि थुनामा पठाएको थियो ।

पीडितको स्वास्थ्य परीक्षण जिल्ला अस्पतालमा ०८० माघ १३ गते गरिएको थियो ।

सुरेश खत्री