समाचारहरू

३५ वर्षीया महिलालाई बलात्कार प्रयास गरेको कसुरमा जिल्ला अदालतले बारा जिल्लाको कलैया उपमहानगरपालिका–१२ का २७ वर्षीय विजयकुमार गुप्तालाई तीन वर्ष कैद सजायको फैसला गरेको छ ।

जिल्ला अदालतका न्यायाधीश दिलप्रकाश सापकोटाको ०८१ असार २८ गतेको इजलासले कसुर ठहर गर्दै तीन वर्ष कैद सजाय र ३० हजार रुपियाँ जरिबाना भराउने फैसला गरेको जिल्ला अदालतका श्रेस्तेदार सुमन पाण्डेले इन्सेकलाई जानकारी दिनुभयो ।

पीडित महिलालाई आरोपितले ०८० माघ ८ गते बलात्कार प्रयास गरेको भन्दै पीडित पक्षले माघ २२ गते जिल्ला प्रहरी कार्यालयमा उजुरी दिएको थियो । पीडित पक्षको सोही उजुरीको आधारमा आरोपितलाई माघ २१ गते गिरफ्तार गरेको थियो । पीडितको स्वास्थ्य परीक्षण माघ २१ गते कपिलवस्तु अस्पताल, तौलिहवामा भएको थियो ।

रीमा बिसी