बलात्कार प्रयास गरेको कसुरमा २ वर्ष ६ महिना कैदको फैसला

 

६१ वर्षीया महिलालाई बलात्कार प्रयास गरेको ठहरसहित जिल्ला अदालत पाल्पाले सिद्वेश्वर–४ का ३१ वर्षीय नरबहादुर कुमाललाई बलात्कार प्रयास गरेको ठहर सहित २ वर्ष ६ महिना कैदको फैसला सुनाएको छ ।

न्यायाधीश डिल्लीरमण तिवारीको पुस २७ गतेको इजलाशले उक्त फैसला सुनाएको जिल्ला अदालत पाल्पाका स्रेस्तेदार सुवर्ण खनालले बताए ।

पीडित महिलालाई आरोपितले गत भदौं २६ गते बलात्कार प्रयास गरेको आरोपमा पीडितका आफन्तले भदौ २८ गते जिल्ला प्रहरी कार्यालय पाल्पामा उजुरी दिएका थिए । आरोपितलाई भदौ २८ गते नै प्रहरीले गिरफ्तार गरी मुद्दा चलाएको थियो ।


यज्ञमूर्ति तिमिल्सिना