समाचारहरू

अपाङ्गता भएकी ५४ वर्षीया महिलालाई बलात्कार प्रयास गरेको कसुरमा जिल्ला अदालतका न्यायाधीश मदनबहादुर धामीको इजलासले ०८० असार २४ गते विदुर नगरपालिका-८ का ४८ वर्षीय शेरबहादुर खड्कालाई  चार वर्ष कैद सजाय फैसला सुनाएको छ ।

पीडितलाई  १ लाख ५० हजार रुपियाँ जरिबाना, ५० हजार रुपियाँ क्षतिपुर्ति र ६ हजार रुपियाँ पीडित राहत कोषमा भराउन फैसला समेत भएको अदालतका श्रेस्तेदार इन्द्रकुमार खड्काले जानकारी दिनुभयो ।

कसुरदार खड्काले ०७९ मङ्सिर २४ गते पीडित महिलालाई बलात्कार प्रयास गरेको भन्दै जिल्ला प्रहरी कार्यालयमा मङ्सिर २८ गते उजुरी दर्ता भएको थियो ।

पीडित महिलाको स्वास्थ्य परीक्षण मङ्सिर २७ गते त्रिशूली अस्पतालमा भएको थियो ।

घटनामा संलग्न खड्कालाई जिल्ला अदालतले ०७९ पुस २१ गते पुर्पक्षको लागि थुनामा राख्न आदेश दिएको थियो ।

नवदीप श्रेष्ठ