बलात्कार प्रयास गरेको कसुरमा २ वर्ष ६ महिना कैदको फैसला

 

२० वर्षीया एक महिलालाई बलात्कार प्रयास गरेको आरोपमा भुतही गाविस-८ का ५० वर्षीय रामचन्द्र प्रमाणीलाई जिल्ला अदालतले भदौ ६ गते २ वर्ष ६ महिना कैद सजायको फैसला गरेको छ ।

न्यायाधीश विनोदकुमार गौतमको इजलाशले उक्त पैसला सुनाएको अदालतका श्रेस्तेदार नरेन्द्रकुमार श्रेष्ठले जानकारी दिए ।

पीडित महिलालाई रामचन्द्र प्रमाणीले बलात्कार प्रयास गरेको र श्रेष्ठका २० वर्षीय छोरा जितेन्द्र प्रमाणीले बलात्कार गरेको आरोप लगाउँदै पीडितले जिल्ला प्रहरी कार्यालयमा गत वैशाख १४ गते उजुरी दिएकी थिइन् ।

प्रहरीले वैशाख १४ गते उजुरी दर्ता गरी सोही दिन रामचन्द्रलाई घरबाट गिरफ्तार गरेको थियो भने अर्का आरोपित जितेन्द्र हालसम्म फरार छन् ।

पीडितको महिलाको स्वास्थ्य परीक्षण राजविराजस्थित गनासिं सगरमाथा अञ्चल अस्पतालमा वैशाख १५ गते गरिएको थियो ।

जिल्ला न्यायाधीश गौतमकै इजलाशले आरोपित रामचन्द्र गत जेठ ९ गतेदेखि पूपर्क्षका लागि राजविराज कारागारमा थुनामा थिए ।


मनोहरकुमार पोखरेल