बलात्कार प्रयास गरेको कसुरमा पाँच वर्ष कैद फैसला

६२ वर्षीया बृद्धालाई बलात्कार प्रयास गरेको कसुरमा दोषी ठहर गर्दै जिल्ला अदालतले पाँचखपन नगरपालिका–२ का ५८ वर्षीय पदमनाथ दहाललाई पाँच वर्ष कैदको फैसला गरेको छ ।

न्यायाधीश प्रकास राउतको इजलासले असार २७ गते दहाललाई दोषी ठहर गर्दै पाँच वर्ष कैद र पीडितलाई २० हजार रुपियाँ क्षतिपूर्ति उपलब्ध गराउने फैसला सुनाएको हो ।

पीडित बृद्धालाई दहालले ०७५ वैशाख १५ बलात्कार प्रयास गरेको भन्दै पीडित पक्षले सोही दिन इलाका प्रहरी कार्यालय चैनपुरमा उजुरी दिएको थियो ।

पीडित महिलाको स्वास्थ्य परीक्षण वैशाख १५ गते प्राथमिक स्वास्थ्य केन्द्र चैनपुरमा गरिएको थियो । दहाललाई प्रहरीले वैशाख २४ गते गिरफ्तार गरी मुद्दा चलाएको थियो ।


बाबुराम बास्तोला