समाचारहरू

चार वर्षीया बलात्कार पीडित बालिकाको परिवारलाई इन्सेकले भदौ १५ गते १० हजार रुपियाँ सहयोग गरेको छ । पीडितलाई न्यायिक निकायमा जान सहज होस् भन्ने उद्देश्यले पीडित परिवारलाई आर्थिक सहयोग गरिएको हो ।

पीडितलाई ०७८ साउन २८ गते  ३७ वर्षीय नातेदारले बलात्कार गरेको भन्दै पीडितपक्षले साउन २९ गते जिल्ला प्रहरी कार्यालयमा उजुरी दिएका थिए । प्रहरीले आरोपितलाई साउन २९ गते घरबाट गिरफ्तार गरेको थियो । पीडितको स्वास्थ्य परीक्षण साउन २९ गते  गुल्मी अस्पताल तम्घासमा गरिएको थियो ।

पीडित बालिकाको घर सदरमुकाम तम्घासबाट टाढा पर्ने र आर्थिक हिसाबले पनि विपन्न परिवार भएकाले प्रहरी कार्यालय र अदालतसम्म कानुनी प्रक्रिया पुरा गर्न समेत समस्या परेको भन्दै पीडितकी आमाले साउन ३० गते  इन्सेक गल्मी जिल्ला प्रतिनिधिलाई निवेदन दिनु भएको थियो ।

यसैगरी पीडित परिवारलाई सहयोग गरी दिन भन्दै जिल्ला प्रहरी कार्यालय गुल्मीले साउन ३२ गते इन्सेकमा निवेदन दिएको थियो ।

इन्सेक जिल्ला प्रतिनिधि टोपलाल अर्यालले जिल्ला प्रहरी कार्यालयमा पीडित र आमालाई भेटेर सहयोग रकम प्रदान  गर्नु भएको हो । पीडितकी आमाले न्याय खोज्न पनि आउने उपाय थिएन इन्सेकले गरेको सहयोगले न्यायीक प्रक्रियामा जान सहयोग मिलेको बताउनु भयो ।

टोपलाल अर्याल