समाचारहरू

४० वर्षीया बलात्कार पीडित महिलालाई चैत ११ गते इन्सेक लुम्बिनी प्रदेश कायालय नेपालगञ्जले कानुनी प्रक्रियाका जानका लागि  ८ हजार रूपियाँ आर्थिक सहयोग गरेको छ ।

पीडितले मुगु जिल्ला, खत्याड गाउँपालिका –९ नखरजी घर भई हाल नेपालगञ्ज उपमहानगरपालिका –४ वसपार्क बस्ने ४० वर्षीय शैलेन्द्र शाही विरूद्ध भदौ २७ गते जिल्ला प्रहरी कार्यालयमा उजुरी दिनु भएको थियो ।

प्रहरीले आरोपितलाई पुस १ गते गिरफ्तार गर्‍यो । सरकारी वकिल कार्यालय मार्फत जिल्ला अदालतमा पुस १७ गते जबरजस्ती करणी अभियोगमा मुद्दा दर्ता भयो ।

उक्त मुद्दामा  कानुनी तथा आर्थिक सहयोगका लागि दलित महिला संघ  बाँकेको  सिफारिसमा सहित कात्तिक १८ गते पीडितले  इन्सेक लुम्बिनी प्रदेश कार्यालयमा निवेदन दिनु भएकाे थियो ।

मानव अधिकार सहायता कक्षको   चैत ७ गतेको बैठकले पीडितलाई सहयोग गर्ने निर्णय गरेको इन्सेक लुम्बिनी प्रदेश संयोजक भोला महतले बताउनु भयो ।

लक्ष्मी थारू