समाचारहरू

सौन्दर्य प्रतियोगिताका आयोजकबाट आठ वर्ष अगाडि बलात्कृत भएकी एक युवतीको न्यायका लागि युवा अधिकारकर्मीले ०७९ जेठ ६ गते प्रधानमन्त्री निवास बालुवाटार अगाडि धर्ना दिएका छन् ।

युवाहरूले Occupy Baluwatar (अकुपाई बालुवाटार) को नाममा सामाजिक सञ्जालमा अभियान चलाउँदै बालुवाटार अगाडि भेला भएर धर्ना दिएका हुन् ।

धर्नामा सहभागी हरूले बलात्कारमा संलग्न दोषीलाई सजाय दिन, बलात्कार र अन्य यौनजन्य हिंसासम्बन्धी कानुनमा हदम्यादको व्यवस्था हटाउन, बलात्कार र यौनजन्य हिंसासम्बन्धी मुद्दामा फास्ट ट्रयाकबाट सुनुवाइ गर्न माग गरेका छन् ।

केही दिन अगाडि एक पीडित युवतीले सुन्दरी प्रतियोगिताका एक आयोजकले आठ वर्ष अगाडि नयाँ बानेश्वरस्थित एभरेष्ट होटलमा पेय पदार्थमा खुवाएर अर्धबेहोसी बनाई बलात्कार गरेको दाबी गर्दै सामाजिक सञ्जाल टिकटकका भिडियोबाट सार्वजनिक गरेकी थिइन् ।

यसैबीच प्रतिनिधिसभाको वैशाख ६ गते बसेको बैठकमा यौनहिंसाका आरोपितलाई कानुनी दायरामा ल्याउन सरकारलाई सभामुखले रुलिङ गर्नुभएको छ ।

प्रतिनिधिसभाको वैशाख ६ गते बसेको बैठकमा संसद गगन थापाले सामाजिक सञ्जालमा एक युवतीले आफूलाई बलात्कार गरिएको घटना सार्वजनिक भएको उल्लेख गर्दै घटनामा संलग्न पीडकलाई कारबाही गर्न माग माग गरेका थिए ।

सभामुख सापकोटाले उक्त विषयमा आफ्नो गम्भीर ध्यानाकर्षण भएको भन्दै सो घटनाको सम्बन्धमा छानबिन गरी सत्यतथ्य पहिचान गर्न र दोषीलाई कानुनी दायरामा ल्याउन सरकारलाई निर्देशन दिनुभएको हो ।

विमल पौडेल