बलात्कार घटनाको मुद्दा मुल्तबीमा राख्ने फैसला

  ०८० बैशाख २३ गते

३६ वर्षीया महिलालाई बलात्कार गरेको आरोपमा विष्णु गाउँपालिका–८ का ४० वर्षीय दिपेश कुमार पासवानविरुद्ध को मुद्दा सर्लाही जिल्ला अदालतले वैशाख २० गते मुल्तबीमा राख्ने फैसला गरेको छ ।

जिल्ला अदालतमा २०७९ साउन १६ गते दायर भएको मुद्दा न्यायाधिश कमल प्रसाद पोखरेलको इजलासले मुल्तबीमा राख्ने फैसला गरेको जिल्ला अदालतका श्रेस्तेदार विश्वनाथ आर्यालले जानकारी दिनुभयो ।

पीडित महिलालाई आरोपितले ०७९ जेठ २२ गते बलात्कार गरेको भन्दै पीडित पक्षले जिल्ला प्रहरी कार्यालय मलङ्गवामा असार ५ गते उजुरी दिएको थियो ।

जिल्ला प्रहरी कार्यालयले ०७९ असार १३ गते उजुरी दर्ता गरेको थियो ।

पीडित महिलाको स्वास्थ्य परीक्षण ०७९ असार १३ गते जिल्ला अस्पताल मलङ्गवामा भएको थियो ।

आरोपित पासवान हालसम्म पक्राउ नपरेको जिल्ला अदालतको श्रेस्तेदार अर्यालले जानकारी दिनुभयो ।

 


बुधन साह