समाचारहरू

१४ वर्षीया बालिकालाई बलात्कार गरेको मुद्दा जिल्ला अदालतले मुल्तबीमा राख्ने फैसला गरेको छ ।

जिल्ला अदालतका न्यायाधीश ध्रुवराज त्रिपाठीको ०८१ भदौ १८ गतेको इजलासले पाँचखपन नगरपालिका-१ का ३७ वर्षीय रोशन लाखे विरूद्धको मुद्दा मुल्तबीमा राख्ने फैसला गरेको हो ।

बालिकालाई ०७९ चैत १७ गते बलात्कार गरेको आरोपमा पीडित पक्षले रोशन लाखेविरूद्ध जिल्ला प्रहरी कार्यालयमा ०७९ चैत २१ गते उजुरी दिएको थियो ।

प्रहरीले जिल्ला अदालतमा रोशन लाखे विरूद्ध ०८० चैत १३ गते बलात्कार शीर्षकमा उजुरी दर्ता गरेको थियो ।

जिल्ला अदालतमा ०८० चैत १४ गते अभियोग पत्र दायर भइ वारेण्टसहित पक्राउ पुर्जी जारी भएपनि आरोपित ०८१ भदौ १८ गतेसम्म गिरफ्तार भएनन् ।

पीडित बालिकाको स्वास्थ्य परीक्षण जिल्ला अस्पतालमा ०७९ चैत २२ गते गरिएको थियो ।

भविन कार्की