बलात्कार घटनाको मुद्दा मुल्तबीमा राख्ने फैसला

४० वर्षीया महिलालाई बलात्कार गरेको आरोपमा मलङ्गवा नपा–३ का ४४ वर्षीय रामइश्वर साह विरुद्ध चलेको मुद्दामा जिल्ला अदालतले असार ९ गते मुल्तबीमा राख्ने फैसला गरेको छ ।

जिल्ला अदालतमा ०७६ मङ्सिर ५ गते दायर भएको मुद्दामा न्यायाधीश विदुर कोइरालाको इजलासले मुल्तबीमा राख्ने फैसला गरेको जिल्ला अदालतका स्रेस्तेदार विश्वनाथ आर्यालले जानकारी दिनु भयो ।

पीडित महिलालाई आरोपित साहले ०७६ कात्तिक २१ गते बलात्कार गरेको आरोपमा पीडित पक्षले जिल्ला प्रहरी कार्यालय मलङ्गवामा कात्तिक २७ गते उजुरी दिएको थियो । जिल्ला प्रहरी कार्यालयले ०७६ कात्तिक २७ गते उजुरी दर्ता गरेको थियो ।

पीडित महिलाको स्वास्थ्य परीक्षण ०७६ कात्तिक २८ गते जिल्ला अस्पताल मलङ्गवामा गरिएको थियो । आरोपित साह हालसम्म गिरफ्तारीमा नपरेको जिल्ला अदालतको श्रेस्तेदार अर्यालले इन्सेक प्रतिनिधिसँगको कुराकानीमा जानकारी दिनु भएको छ ।


बुधन साह