बलात्कार घटनाको मुद्दा मुल्तबीमा

२६ वर्षीया महिलालाई बलात्कार गरेको आरोपमा ब्रहमपुरी गाउँपालिका–४ का ३४ वर्षीय रामकिशोर साह तेली विरुद्धको मुद्दा सर्लाही जिल्ला अदालतले ०८० असोज २२ गते मुल्तबीमा राख्ने फैसला गरेको छ ।

जिल्ला अदालतमा ०७९ चैत २० गते दायर भएको मुद्दामा न्यायाधिश चन्द्रकान्त पौडेलको इजलासले मुल्तबीमा राख्ने फैसला गरेको श्रेस्तेदार सदन अधिकारीले जानकारी दिनु भयो ।

पीडितलाई आरोपितले ०७९ फागुन १४ गते बलात्कार गरेको भन्दै पीडित पक्षले जिल्ला प्रहरी कार्यालय मलंगवामा चैत १० गते उजुरी दिनु भएको थियो । जिल्ला प्रहरी कार्यालयले चैत १३ गते उजुरी दर्ता गरेको थियो ।

पीडितको स्वास्थ्य परीक्षण चैत १३ गते जिल्ला अस्पताल मलंगवामा गरिएको थियो ।

आरोपित साह हालसम्म फरार रहेकोले उनी विरुद्धको मुद्दा अदालतले मुल्तबीमा राख्ने फैसला गरेको श्रेस्तेदार अधिकारीले जानकारी दिनु भयो ।


बुधन साह