बलात्कार घटनाको मुद्दा मुल्तबीमा

  ०८० असोज १६ गते

२८ वर्षीया महिलालाई बलात्कार गरेको आरोपमा चक्रघट्टा गाउँपालिका–७ का ३१ वर्षीय सुजित सहनी विरुद्धको मुद्दा सर्लाही जिल्ला अदालतले ०८० असोज १४ गते मुल्तबीमा राख्ने फैसला गरेको छ ।

जिल्ला अदालतमा ०८० असार २५ गते दायर भएको मुद्दा न्यायधिश कमलप्रसाद पोखरेलको इजलासले मुल्तबीमा राख्ने फैसला गरेको श्रेस्तेदार सदन अधिकारीले जानकारी दिनु भयो ।

पीडित महिलालाई आरोपितले ०८० जेठ ९ गते बलात्कार गरेको भन्दै पीडित पक्षले जिल्ला प्रहरी कार्यालय मलंगवामा असार १७ गते उजुरी दिनु भएको थियो ।

जिल्ला प्रहरी कार्यालय सर्लाहीले असार ११ गते उजुरी दर्ता गरेको थियो । पीडितको स्वास्थ्य परीक्षण असार ११ गते जिल्ला अस्पताल मलंगवामा भएको थियो ।

आरोपित सहनी हालसम्म गिरफ्तार नभएकोले मुद्दा मुल्तबीमा राख्ने फैसला भएको श्रेस्तेदार अधिकारीले जानकारी दिनु भयो ।


बुधन साह