बलात्कार घटनाको मुद्दा मुल्तबीमा राख्ने फैसला

  ०८० साउन १९ गते

२८ वर्षीया महिलालाई आठराई गाउँपालिका–१ का २९ वर्षीय पवन दाहालले बलात्कार गरेको भनि परेको मुद्दा जिल्ला अदालतले मुल्तबीमा राख्ने फैसला गरेको छ ।

जिल्ला अदालतमा ०७९ साउन २८ गते दर्ता भएको सो मुद्दा न्यायाधीश प्रमेश  पोखरेलको ०८० साउन १८ गते इजलासबाट मुल्तबीमा राख्ने फैसला भएको हो ।

पीडित महिलालाई आरोपितले ०७९ साउन २८ बलात्कार गरेको आरोपमा पीडितले आरोपितविरुद्ध सोही दिन जिल्ला प्रहरी कार्यालयमा उजुरी दिएको थियो ।

उजुरीलगत्तै फरार भएका आरोपित पवन दाहाल ०८० साउन १८ गते सम्म गिरफ्तारीमा नपरेपछि मुद्दा मुल्तबीमा राखिएको जिल्ला अदालतका श्रेस्तेदार पारसमणि पोखरेल बताउनु भयो ।

पीडित महिलाको स्वास्थ्य परीक्षण जिल्ला अस्पतालमा ०७९ साउन २८ गते गरिएको थियो ।


सुरेश खत्री