बलात्कार घटनाको मुद्दा मुल्तबीमा राख्ने फैसला

१४ र १३ वर्षीया बालिकाहरूलाई बलात्कार गरेको आरोपमा सुखिपुर नगरपालिका–१ का २३ वर्षीय रमेश यादव विरुद्धको मुद्दा जिल्ला अदालतले मुल्तबीमा राख्ने फैसला असार २६ गते गरेको छ ।

आरोपित यादव हालसम्म फरार रहेकोले जिल्ला अदालतका न्याधीश लिलाराज अधिकारीको एकल इजलासले सो फैसला गरेको हो । आरोपितले बालिकाहरूलाई ०७८ असार ९ गते अपहरण गरी बलात्कार गरेको आरोपमा पीडित परिवारले इलाका प्रहरी कार्यालय महेशपुर पतारमा असार २७ गते उजुरी दिएका थिए ।

बालिकाहरूको स्वास्थ्य परीक्षण जिल्ला अस्पताल सिरहामा असार २८ गते भएको थियो । इलाका प्रहरी कार्यालय महेशपुर पतारका इन्सपेक्टर केशव कटुवालले घटना भए देखि आरोपित फरार रहेको र खोज तलास गर्दा पनि फेला नपरेकोले हद म्याद भित्र मुद्दा अदालतमा दर्ता गराएको बताउनु भयो ।


दुर्गा परियार